Yakeen

Yakeen to kar tujh bin suunaa ho jaata hu main ,
Hasrat ,daulat,izzat,sohrat sab bhool jaata hu main ,
Na jaane tere maujoodge me wo kya ruhaaniyat hai ,
Jab bhe aas paas hota hu tere duniya ke har maaya se nizaat paata hu main .
Yakeen to kar tujh bin suunaa ho jaata hu main
Bin tere patjhar ke mausam me daale pe latka sookha patta nazar aata hu main ,
Saath tere basant ritu me khilkhilate pankhudiyon sa chaa jaata hu main ,
Beintehaa koshish karta hu har din tere yaadon ko dil se nikaaal kahi door dafnaane ke,
Par har baar aadhe raah se waapas laut aata hu main .
Yakeen to kar tujh bin suuna ho jaata hu main .
Andheri raaton me taaron ke timtimaahat ke neeche aksar baith jaata hu main ,
Ek he sawaal dohrata hu khud se baar baar kya use yaad aata hu main ,
Har raat palat deta hu har ek panna tere meri mohhabat kaa,
Phir bhe na samajh paata hu ke hai wo konsa lamha jisme gunehgaar tujhe nazar aata hu main .
Yakeen to kar tujh bin suunaa ho jaata hu main
Tere us muskuraahat se apna har dard bhool jaata tha main,
Tujhe nihaarte nihaarte kayee prem kavitaayen bana jaata tha main ,
Tere jaane ke baad kalam kuch is kadar rooth se gaye hai ,
Koshish karta hu do chaar shabd likhne ke ,
Par lakeere bana dum tod jaata hu main .
Yakeen to kar tujh bin suunaa ho jaata hu main

by- Ashwyn kala

This post has been viewed 5,010 times